የተማሪ መግቢያ ፈቃድ በአብዛኛው በ2 ሳምንታት ጊዜ ውስጥ ተጠናቅቆ የሚሰጥ ሲሆን፣ የሚያገለግለው ደግሞ ለ60 ቀናት ነው፡፡
በመግቢያ ፈቃዱ ወደ ተባበሩት አረብ ኤሜሬትስ መጓዝ ይችላሉ፡፡የተባበሩት አረብ ኤሜሬትስ (ዱባይ) በገቡ በ48 ሰዓታት ጊዜ ውስጥ፣ የመግቢያ ፈቃድዎና ፓስፖርትዎን መጀመሪያ ለዩኒቨርሲቲው ከዚያ ደግሞ ለኢሚግሬሽን ቢሮ ማስረከብ ግድ ይልዎታል፡፡
በተባበሩት አረብ ኤሜሬትስ የተማሪ መኖሪያ ፈቃድ ከማግኘትዎ በፊት የህክምና እና የአሻራ ምርመራ ማድረግ ይጠበቅብዎታል፡፡
(ለኤችአይቪ/ኤድስ፣ ለጉበት በሽታ ቢ፣ ለጉበት በሽታ ሲ፣ ለቲቢ እና ለስጋደዌ የደም ምርመራና የደረት ኤክስሬይ ምርመራ ያደርጋሉ፡፡ በምርመራዎቹ በሽታዎቹ እንዳሉብዎት ከተረጋገጠ፣ ወደመጡበት አገር እንዲመለሱ ይደረጋሉ፡፡ ይህም በመሆኑ፤ ጉዞ ከማድረግዎ በፊት በአገር ቤት ሳሉ ቀደም ብለው የጤና ምርምራ ማድረግ ይመከራል) በአጠቃላይ እስከ 60 ቀናት የሚፈጀው የተማሪ ቪዛ ፈቃድ ሂደት እንደተጠናቀቀ፣ ፓስፖርትዎ ከኢሚግሬሽን ቢሮ ከተማሪ መኖሪያ ቪዛዎት ጋር ይመለስልዎታል፡፡ ይህን ተከትሎም፣ በተባበሩት አረብ ኤሜሬቶች የሚኖር ማንኛውም ሰው የግድ ሊኖረው የሚገባውን የኤሜሬትስ የመታወቂያ ካርድዎን ይቀበላሉ፡፡
የተማሪ መኖሪያ ቪዛዎት የሚያገለግለው ለ12 ወራት ሲሆን፣ በተባበሩት አረብ ኤሜሬቶች በሚገኝ ዩኒቨርሲቲ የሙሉ ጊዜ የትምህርት ፕሮግራም ለሚከታተሉ ተማሪዎች በየአመቱ ይታደስላቸዋል፡፡ የተማሪ መኖሪያ ቪዛ እና የኤሜሬትስ የመታወቂያ ካርድ ማመልከቻ 1000 የአሜሪካ ዶላር ያህል የሚያስከፍል ሲሆን፣ ክፍያው ለዩኒቨርሲቲዎት የሚፈጸመው የተቀባይነት ደብዳቤ ማግኘትዎን ተከትሎ፣ ወደ ተባበሩት አረብ ኤሜሬቶች (ወደ ዱባይ) ከመጓዝዎት በፊት ነው፡፡

1. የሚፈልጉትን ዩኒቨርሲቲና መማር የሚፈልጉትን ትምህርት ከድረ-ገጻችን፣ ከቴሌግራም ቦት ወይም ድርጅታችን ድረስ በአካል በመምጣት ይምረጡ፡፡

2. የማመልከቻ ሰነዶቻችሁን ስካን በማድረግ ከሚከተሉት አማራጮች በአንዱ ገቢ ያድርጉ፡-
Email: hello@lineaddis.com
Telegram : @lineaddis2
በአካል ወደ ድርጅታችን በመምጣት

3. ወደ ድርጅታችን በመምጣት ቅድመ ክፍያ እና የማመልከቻ ክፍያ ይክፈሉ፤ የስምምነት ውል ይፈጽሙ፡፡ የሚኖሩት ከአዲስ አበባ ራቅ ባለ አካባቢ ከሆነ፣ ስምምነቱን በድረገጽ አማካይነት በኢንተርኔት መፈጸም እንችላለን፡፡

4. ከዩኒቨርሲቲው ጊዚያዊ የጥያቄ ደብዳቤ እስኪመጣ ይጠብቁ

5. የትምህርት ክፍያ እና የቪዛ ማስፈጸሚያ ክፍያ በዩኒቨርሲቲው የባንክ ሒሳብ ይፈጽሙ፡፡

6. የቪዛ ማመልከቻ ሰነዶችን አዘጋጅተው ይላኩ፡፡

7. ከዩኒቨርሲቲው የተማሪ መግቢያ ፈቃድ ያግኙ፤ ከዚያም ወደ ዱባይ ይጓዙ፡፡

8. የተማሪ ነዋሪነት ቪዛ ማመልከቻ ያቅርቡና ትምህርትዎን ይጀምሩ፡፡

ዱባይ የቅንጦትና የመዝናኛ ከተማ እንደመሆኗ፣ ለኑሮ ከፍተኛ ወጪን ይጠይቃል፡፡ በመሆኑም ለትምህርት አላማ ወደ ዱባይ ለመጓዝ እንዳቀደ አንድ አለማቀፍ ተማሪ፣ ለመኖሪያ ቤትና ለሌሎች ወጪዎች ከፍ ያለ ትኩረት መስጠትና በቂ ዝግጅት ማድረግ ይገባዎታል፡፡

መሰረታዊ ነገሮች የተሟሉላቸው ደረጃቸውን የጠበቁ መኖሪያ ቤቶችን በወር ከ300 ዶላር ጀምሮ መከራየት ይችላሉ፡፡ በጋራ ለመኖር እስከ 200 ዶላር እንዲሁም፣ የኪራይ አፓርታማዎችን ደግሞ ከ700 ዶላር ጀምሮ ማግኘት ይችላሉ፡፡

ምግብ፣ መዝናኛ፣ ትራንስፖርትና መጽሐፍትን ጨምሮ በየወሩ ለኑሮ እስከ 900 የአሜሪካ ዶላር ሊያስፈልግዎት ይችላል